ភ្នំពេញ៖ នាពេលថ្មីៗនេះបានឲ្យដឹងថា តារាចំរៀង ច្រៀងភាសាចិនដែលមានឈ្មោះថា ពៅ ចិន្តា បានកើតជំងឺមហារីកច្រមុះ និងដុះដុំសាច់នៅឆ្អឹងកងក ដែលកំពុងស្នាក់នៅក្នុងមន្ទីរពេទ្យមិត្ដភាពសូវៀត ក្រោមការមើលថែយកចិត្ដទុកដាក់ពីសំណាក់គ្រូពេទ្យ។
នៅក្នុងនោះ អ្នកនាង ចន ច័ន្ទលក្ខិណា ដែលជាប្រធានសមាគមសិល្បករខ្មែរ» អាណត្តិទី៥ បានទៅសួរសុខទុក្ខកញ្ញា ពៅ ចិន្តា ទៅដល់មន្ទីរពេទ្យជាមួយនឹង មិត្ដអ្នកសិល្បៈផ្សេងទៀត។ នេះបើតាមការសាកសួរបស់អ្នកនាង ចន ច័ន្ទលក្ខិណា ទៅកាន់ កញ្ញា ពៅ ចិន្តា បានឲ្យដឹងពីអាការជំងឺនាងថា នាងមានដុះដុំសាច់រយៈពេល ៤ឆ្នាំមកហើយ តែនាងពុំដឹងខ្លួននោះទេ ដែលដំបូងឡើងឈឺកញ្ចឹងក និងវាបានរាលដាលឡើងរហូតដល់ក្បាល ហើយនាងតែងតែលេបថ្នាំបំបាត់ការឈឺចាប់។....
ចង់ដឹងច្បាស់យ៉ាងណានោះ សូមទស្សនាវីដេអូខាងក្រោម ដែលអ្នកនាង ចន ច័ន្ទលក្ខិណា និងក្រុមអ្នកសិល្បៈបានសាកសួរនាងដោយផ្ទាល់៖
គួរបញ្ជាក់ថា អ្នកនាង ចន ច័ន្ទលក្ខិណា បានពាំនាំនូវគ្រឿងឧបភោគបរិភោគ និងថវិកាមួយចំនួន ដែលទទួលបានពីសប្បុរជនមកជូនដល់កញ្ញា ពៅ ចិន្តា ដែលនាងពិតជាមានក្ដីរំភើបឥតឧបមា និងបានថ្លែងអំណរគុណយ៉ាងជ្រាលជ្រៅ សម្រាប់ការឧបត្ថម្ភនេះ។
ខាងក្រោមជាបទចម្រៀងចិន ដែលច្រៀងឡើងដោយកញ្ញា ពៅ ចិន្តា និងបានបង្ហោះឡើងនៅក្នុងយូធូបកាលពីឆ្នាំ ២០១៥៖