ភ្នំពេញ៖ កញ្ញា Taew Natapohn ដែលជាតួឯកស្រីនៅក្នុងរឿង «រាជនីស្តេចនាគ» បានធ្វើដំណើរមកដល់ទឹកដីប្រទេសកម្ពុជាកាលពីព្រឹកមិញនេះ។ វត្តមានរបស់កញ្ញា បានធ្វើឲ្យអ្នកគាំទ្រកម្ពុជា មានភាពសប្បាយរីករាយយ៉ាងខ្លាំង រហូតដល់មានអ្នកខ្លះបានទៅទទួលកញ្ញាដល់អាកាសយាន្តដ្ឋានអន្តរជាតិភ្នំពេញថែមទៀតផង។
យ៉ាងណាមិញ វេលាថ្ងៃត្រង់ថ្ងៃដដែលនេះ កញ្ញាបានបង្ហាញវត្តមាននៅក្នុងកម្មវិធី «គម្រប់ខួប២ឆ្នាំរបស់ស្ថានីយ៍ទូរទស្សន៍PNN»។ វត្តមានរបស់កញ្ញាបានធ្វើឲ្យអ្នកចូលរួមនៅក្នុងកម្មវិធីនោះទាំងអស់ មានភាពរំភើប និងភ្ញាក់ផ្អើលយ៉ាងខ្លាំង ដោយសារតែកញ្ញា Taew បានដើរមកលើឆាកជាមួយឈុតបែបបុរាណ ដែលជាឈុតនៅក្នុងរឿង «រាជនីស្តេចនាគ» ដែលកញ្ញាជាតួឯកផ្ទាល់ និងកំពុងទទួលបានការគាំទ្រយ៉ាងខ្លាំង។
លើសពីនេះ កញ្ញាក៏បានបង្ហាញពីភាពរីករាយ ដែលបានមកដល់ទឹកដីកម្ពុជា តាមរយៈស្នាមញញឹមរបស់កញ្ញា ដែលស្នាមញញឹមនោះ ពិតជាស្រទន់ មើលហើយចង់លង់តែម្តង៕
ចង់ដឹងថា កញ្ញា Taew ស្លៀកឈុតព្រះម៉ែនៅលើឆាកស្រុកខ្មែរ ពិតជាស្រស់ស្អាតយ៉ាងណានោះ សូមទស្សនារូបភាពខាងក្រោម៖
- វត្តមានរបស់កញ្ញា បានធ្វើឲ្យអ្នកគាំទ្រកម្ពុជា មានភាពសប្បាយរីករាយយ៉ាងខ្លាំង