បវរកញ្ញាពិភពលោកឆ្នាំ២០១៦ មកហ្សបភីងនៅហាង POSH ដែលលក់ផលិតផលមកពីសិង្ហបុរី

ភ្នំពេញ៖បវរកញ្ញាពិភពលោកប្រចាំឆ្នាំ២០១៦ ជនជាតិអេក្វាឌ័រ កញ្ញា អេនជីឡា បូនីឡា(Angela Bonilla) បានអញ្ជើញមកទស្សនកិច្ចនិងធ្វើសកម្មភាពមនុស្សធម៌នៅក្នុងព្រះរាជាណាចក្រកម្ពុជាពីថ្ងៃទី១១ដល់២៤ខែកក្កដា ឆ្នាំ២០១៧ ក្នុងគោលបំណងស្វែងយល់អំពីវប្បធម៌ និងសង្គមកម្ពុជា។

ជាផ្នែកមួយនៃដំណើរទស្សនកិច្ចនៅកម្ពុជា បវរកញ្ញាពិភពលោករូបនេះ បានអញ្ជើញមកហ្សបភីងនៅហាង POSH ដែលមានទីតាំងស្ថិតនៅជិតផ្សារទំនើបសូរិយា តាម បណ្តោយ ផ្លូវ១៥៤ (ជាប់ក្រុមហុន Metfone) កាលពីរសៀលថ្ងៃទី១៩ ខែ កក្កដា ឆ្នាំ២០១៧។

POSH ជាហាងលក់សម្លៀកបំពាក់ កាបូប & ស្បែកជើង នារីដ៏ល្បីតាំងពីឆ្នាំ ២០០៨ ដែលបាននាំសម្លៀកបំពាក់ប្រេនម៉ាក អាយអូរ៉ា (IORA) រ៉ូបដ៏ស្រស់ស្អាត ម៉ាក MOONRIVER និងស្បែកជើង ម៉ាកហ៊ីតវ៉េវ ( HEATWAVE )។

កញ្ញា អេនជីឡា បូនីឡា(Angela Bonilla) ត្រូវបានស្វាគមន៍យ៉ាងកក់ក្ដៅ

ក្នុងកំឡុងពេលនោះ ហាងPOSH ដែលទិញប្រែននែមពីសិង្ហបុរីបានរៀបចំពិធីទទួលស្វា គមន៍យ៉ាងកក់ក្តៅនិងយ៉ាងរាក់ទាក់ជូនបវរកញ្ញា អេនជីឡា បូនីឡានិងទទួលស្វាគមន៏អតិថិជនផង ដែរ។

ភ្ញៀវកិត្តិយសទាំងអស់អាចមានឱកាសថតរូបអនុស្សាវរីយ៍ជាមួយបវរកញ្ញាពិភពលោកព្រម ទាំងមានបំរើ អាហារសំរន់ និង ភេសជ្ជៈផងដែរ។

សកម្មភាពកញ្ញាអេនជីឡា បូនីឡាថតរូបជាមួយអតិថិជន

ក្នុងឱកាសនេះដែរ តារាភាពយន្តជើងចាស់ លោកស្រី ឌី សាវ៉េត ក៏បានចូលរួមក្នុងពិធីស្វាគមបវរកញ្ញា អេនជីឡា បូនីឡាផងដែរ។

សកម្មភាព អ្នកស្រី ឌី សាវ៉េត កំពុងដើរមើលសម្លៀកបំពាក់ក្នុងហាង POSH

លោកស្រី សេង ពុទ្ធារី សហស្ថាបនិករបស់ POSH បានមានប្រសាសន៍ ថា« នេះ ជាកិត្តិយសនិងមោទនភាពរបស់ព្រះរាជាណាចក្រកម្ពុជា ក៏ដូចជាហាង HEATWAVE ដែលបានទទួលស្វាគមវត្តមានបវរកញ្ញាពិភពលោក»៕

លោកស្រី សេង ពុទ្ធារី សហស្ថាបនិករបស់POSH និងស្វាមី

លោកស្រីបានបន្តថា« វត្តមានកញ្ញាអេនជីឡា បូនីឡា នឹងជួយផ្សព្វផ្សាយអំពីព្រះរាជាណាចក្រកម្ពុជាទៅកាន់ពិភពលោកជាពិសេសអំពីវប្បធម៌និងការអភិវឌ្ឍរបស់កម្ពុជា ព្រមទាំងហាងលក់ផលិតផលល្បីៗ»៕